龍影 陳國坤


發佈: 2010-9-05 18:47 | 作者: hpek | 來源: MySky科幻網
注意:如果文中出現『*** Hidden to visitors ***』字樣,請轉至論壇瀏覽或下載。




p (2).jpg


2010-08-31
《李小龍傳奇》正在亞視播出。

跟星爺八年,陳國坤還是要講聲多謝。

人生,本來就是由眾多的巧合彙聚而成,有人會稱之為緣份。

緣份糾結纏擾,難分好與壞、對與錯。

陳國坤的人生,牽引力最強的,是與李小龍的緣。雖然兩人的生命,從未有過交會點。

「我未出世,佢已經死咗啦!」

三十七年前的七月二十日,經歷星途燦爛,將中國武術宏揚四海的李小龍離世,短短三十二年的生命痕跡,絕對後無來者。

三十五年前的八月一日,陳國坤在深圳東莞出世,相貌極似李小龍的他,十歲未夠便因為看了《精武門》,把李小龍視為人生偶像,花名也叫「小龍」。

少年的陳國坤,沒有李小龍的顯赫與幸運,反而是命途多舛。

命運吊詭之處,卻在與偶像離世時同齡的三十二歲,拍攝《李小龍傳奇》,開展人生新的一頁。

「我做緊三十二歲之後的李小龍,真正的李小龍已經系最好,冇任何人包括我可以做到佢,我只可以嘗試行一條佢冇行過?路。」陳國坤說。

李小龍逝世時,我都未出世,只能從電影中一睹風采。

眼前的陳國坤確是從相貌到神情語氣,都恍若電影中李小龍的翻版,雖然他始終不願意做李小龍那個經典的捽鼻動作和以高音嗌:「蚰曱甴……」

活在「巨」龍影之下,酷似的軀體內,畢竟還是另一個活生生、有截然不同人生的陳國坤。

只是仍不時有網友留言問他:「其實你系唔系李小龍嘅私生子?」

冇著數

小時候陳國坤母親已經說他好鬼似李小龍,只是並未帶來任何好處。

十三歲開始跟朋友兼職做電影配樂,隨後的十多年經常做茄喱啡:

「通常都系企?後面叫到鬼殺咁嘈韖j惑仔。」

自知不是讀書的材料,讀完中四便工作,會考都未考過。

「F.5唔讀啦!讀嚟冇意思!」

曾經做過多種不同行業,包括舞蹈員、眼鏡售貨員、股票經紀、地盤泥水、三行裝修、賣鞋、文員、會計以至街邊小販……

「除咗做鴨同馬夫之外,我差不多乜嘢行業都做過。」

貌似李小龍的唯一好處,是去蘭桂坊飲酒時,成日會有鬼佬主動請飲酒。

「冇咁易畀人打羅!個個都以為我一定好打得。」

但更常發生的情況是,總被誤以為個人必定系寸貢貢、好招積,亦不止一次被人用「X!扮曬嘢!」來問候。

「大佬呀!個樣似李小龍就系咁0架啦!」


p (3).jpg


轉捩點

直到拍攝《少林足球》,本來是去做排舞,但被周星馳發掘,問他一句「想唔想做演員」開始,正式踏入幕前工作,只是談到這段星輝的日子,陳國坤就似乎不無怨氣。

「由《少林足球》開始,喺星輝(周星馳公司)八年,都只系拍過兩套戲,間唔中有啲散job,始終工作系比較少。到我接拍《李小龍傳奇》時,其實同星輝合約已經差唔多完,但系我都有問過星爺意見,佢都贊成我拍。」

三十二歲才轉運,似李小龍終於開始有著數。

「國內好多人將李小龍當成一個民族英雄,只要話系拍李小龍,就乜都好易傾。」

只是每人心中也有一個李小龍,拍攝時陳國坤就試過因為與劇組意見不合,發脾氣自己走咗返酒店瞓覺。

「我最憎就系成日叫我捽鼻同嗌,李小龍拍戲打日本仔就嗌啫,有乜理由同屋企人食食嚇飯,會突然間跳起身嗌吖?其實國內特別系北方人,認識嘅李小龍同香港人好唔同。」

所以陳國坤在北京出席活動時,座位與待遇竟然是與國際巨星李連傑同級,但返到香港就可以繼續搭地鐵同喺街邊食魚蛋。

「工作都在大陸,留得喺香港就即系我冇嘢撈,而且國內工作的價錢好好,從來唔使講價,香港出得起錢嘅,都搵咗啲大明星啦!所以咪廿年前睇緊劉德華梁朝偉,廿年後都仲系睇緊劉德華梁朝偉羅!」

世事無人話得埋,就如葉問逝世多年之後,家陣至大紅大紫,反而央視的《李小龍傳奇》要到完成後兩年的今時今日,才終於在亞視播出,三十二歲開運,其實都唔遲。

搵到錢

陳國坤直言,做了三十五年人,最近三年才算是「搵到少少錢」。

當年細細個就出來搵食,曾在國內教書的陳爸爸雖無特別反對,只說:「咁我以後一毫子都唔畀你,得唔得先?」

「得!咁我畀番錢你羅!」陳國坤說。

到現在終於敢說並無食言。

「爸爸在國內是老師,來香港後做三行,養大我同兩個哥哥呢三?牛?酥,我M家叫做有能力,咪畀好少少嘅生活兩老羅!」

陳國坤現在給父母每人一張附屬卡任碌,出街唔准搭巴士,只准搭taxi,一回港就會陪他們飲茶。

「樓就唔使我買喇!做投資嘅大哥一早買咗!香港樓咁貴,我買唔起呀!」

不過,在北京工作時住的是自置物業,另有「都唔算少嘅投資」在北京樓市。

沒有一朝得志的意氣風發,只有如釋重負的輕松。

惟有講到「成家立室」和「女朋友」兩項,「小龍」才終於有點口窒窒。

「做呢行時間咁唔定,冇可能搵到正常朝九晚五嘅女朋友喇!與現任女友拍拖年半,(娛樂圈中人?)唔系,我點敢追女明星吖!我又唔系乜嘢大人物……」

我的李小龍

身為龍迷,陳國坤甚至寫了六十萬字,述說自己對李小龍的各種感受。

「我有M家嘅事業,某程度都系因為李小龍。」

書名暫定《我的李小龍》,只是出版仍然未有期……

七月二十日便是李小龍死忌,會有紀念活動,但卻不會去拜山。

「大佬呀!我真系唔系李小龍私生子呀!」

陳國坤澄清說。

陳國坤在國內拍過不少電視劇,最新的是在《大營救》劇中扮軍人。
 
 


注意:如果文中出現『*** Hidden to visitors ***』字樣,請轉至論壇瀏覽或下載。


 

 

網絡資源